მცხეთის მუნიციპალიტეტის საგურამოს, გალავნის, ნავდარაანთკარის, ჯიღაურის სოფლებისა და დუშეთის მუნიციპალიტეტის სოფელ ჭოპორტის, ახატანისა და მიმდებარე ტერიტორიების სივრცითი დაგეგმარების გეგმის შემუშავებისთვის განვითარების ხედვა მომზადდა.
განვითარების ხედვა კვლევის შედეგად მიღებული მონაცემებისა და უკუკავშირის შედეგად დამუშავდა. პროექტის ფარგლებში საპროექტო ჯგუფმა დასაგეგმარებელ არეალზე საველე და კამერალური კვლევითი სამუშაოები ჩაატარა.
პრეზენტაცია საპროექტო ჯგუფმა სივრცითი და ქალაქთმშენებლობითი განვითარების სააგენტოსა და ადგილობრივი ხელისუფლების წარმომადგენლებს გააცნო. მიღებულ რეკომენდაციებზე დაყრდნობით, მომდევნო ეტაპზე, კომპანია კონცეფციას შეიმუშავებს.