რეგიონებში ურბანული მიმართულების ერთიანი საინფორმაციო სისტემის დანერგვის მიზნით, სივრცითი და ქალაქთმშენებლობითი განვითარების სააგენტო ტრენინგებს მართავს. შესაბამისი მიმართულების სპეციალისტები მცხეთა-მთიანეთის რეგიონის ყველა მუნიციპალიტეტიდან გადამზადდნენ. ტრენინგების სერია წლის ბოლომდე გაგრძელდება. მცხეთა-მთიანეთის შემდეგ სასწავლო შეხვედრები შიდა ქართლის, იმერეთის, სამეგრელო-ზემო სვანეთის, გურიისა და აჭარის რეგიონებში ჩატარდება. ერთიანი საინფორმაციო სისტემის საშუალებით, სამშენებლო ნებართვის მიღება, ქალაქთმშენებლობითი პროექტების წარდგენა და სხვა სივრცითი კოდექსით გათვალისწინებულ მოქმედებები, დისტანციურად განხორციელდება.
