გაცნობებთ, რომ მიმდინარეობს „ურეკი-შეკვეთილის სარეკრეაციო ტერიტორიაზე, 26.34.01.409, 26.34.01.410 და 26.34.01.411 საკადასტრო კოდებით რეგისტრირებულ მიწის ნაკვეთებზე სამედიცინო დანიშნულების, სასტუმროსა და სასტუმრო ტიპის საცხოვრებელი კომპლექსის მშენებლობისათვის განაშენიანების დეტალური გეგმის შემუშავების ინიცირების და დავალების გაცემის თაობაზე“ სსიპ - სივრცითი და ქალაქთმშენებლობითი განვითარების სააგენტოს 2025 წლის 6 ივნისის № 1-1/37 ბრძანების საფუძველზე განაშენიანების დეტალური გეგმის კონცეფციის შემუშავება.

დაინტერესებაში არსებული ტერიტორია (№ 26.34.01.409, 26.34.01.410 და 26.34.01.411 საკადასტრო კოდით რეგისტრირებული მიწის ნაკვეთი) მდებარეობს ურეკი-შეკვეთილის სარეკრეაციო ტერიტორიის საზღვრებში და ,,ურეკი-შეკვეთილის სარეკრეაციო ტერიტორიის ქალაქთმშენებლობითი გეგმების დამტკიცების თაობაზე“ საქართველოს მთავრობის 2019 წლის 2 დეკემბრის №590 დადგენილებით (შემდგომში - დადგენილება) დამტკიცებული დანართების შესაბამისად, საპროექტო ტერიტორიაზე ვრცელდება შემდეგი ფუნქციური ზონები და ტერიტორიები: საკურორტო ზონა 2 (შზ-7) (საპროექტო) - განვითარება დასაშვებია შემდეგი ქალაქთმშენებლობითი პარამეტრებით: კ1-0.3; კ2-1.5; კ3-0.5; სპეციალური ზონა 2 (სპზ-2) (საპროექტო), ლანდშაფტური ტერიტორია (ლტ) და ლოკალური ტრანსპორტი და მთავარი ქუჩები (საპროექტო).

დაგეგმვის ამოცანას წარმოადგენს საპროექტო ტერიტორიაზე სამედიცინო დანიშნულების, სასტუმროსა და სასტუმრო ტიპის საცხოვრებელი კომპლექსის მშენებლობა.

სსიპ - სივრცითი და ქალაქთმშენებლობითი განვითარების სააგენტოში, შენიშვნებისა და მოსაზრებების წარდგენა შეუძლია ყველა დაინტერესებულ პირს, მატერიალური სახით, მისამართზე: ქალაქი თბილისი, დავით აღმაშენებლის გამზირი №154 ხოლო ელექტრონულად - მისამართზე: sajaro.gankhilvebi@suda.gov.ge 

სსიპ სივრცითი და ქალაქთმშენებლობითი განვითარების სააგენტოში შპს „ნიუ სითი დეველოფმენთმა" წარმოადგინა ბორჯომის მუნიციპალიტეტში დაბა ბაკურიანისა და მიმდებარე დასახლებების გეგმარებითი ერთეულის სივრცის დაგეგმარების გეგმა და სტრატეგიული გარემოსდაცვითი შეფასების (სგშ) ანგარიში.

დოკუმენტაცია შემუშავდა სსიპ სივრცითი და ქალაქთმშენებლობითი განვითარების სააგენტოსა და შპს „ნიუ სითი დეველოფმენთს” შორის 2023 წლის 03 ნოემბერს გაფორმებული სახელმწიფო შესყიდვის შესახებ N154-2023 ხელშეკრულების (კონკურსი CNT230000063) საფუძველზე.

დაგეგმვის მიზანია, დასახლების მდგრადი განვითარებისა და საზოგადოების კეთილდღეობის ხელშეწყობა, ღირსეული, უსაფრთხო გარემოს შექმნა და განვითარება. „სივრცის დაგეგმარებისა და ქალაქთმშენებლობითი გეგმების შემუშავების წესის შესახებ„ საქართველოს მთავრობის 2019 წლის 3 ივნისის N260 დადგენილებით დამტკიცებული წესის მე -17 მუხლის მე - 3 და  მე - 5 პუნქტების შესაბამისად, გეგმის პროექტი ექვემდებარება საჯარო განხილვის პროცედურებს.

გეგმის პროექტისა და სტრატეგიული გარემოსდაცვითი შეფასების ანგარიშის საჯარო განხილვა ჩატარდება 2026 წლის 14 აგვისტოს, 14:00 საათზე, მისამართზე: დაბა ბაკურიანი, დავით აღმაშენებლის ქ. N5, კინოთეატრი „ბაკურიანი“.

საჯარო განხილვის დროს ხელმისაწვდომი იქნება ბორჯომის მუნიციპალიტეტში დაბა ბაკურიანისა და მიმდებარე დასახლებების გეგმარებითი ერთეულის სივრცის დაგეგმარების გეგმის პროექტი ელექტრონული და მატერიალური სახით.

განხილვაზე დასწრება, მასში მონაწილეობის, ასევე, შენიშვნებისა და მოსაზრებების გაზიარების შესაძლებლობა აქვს ყველა დაინტერესებულ პირს. წერილობითი შენიშვნებისა და მოსაზრებების წარდგენა შესაძლებელი იქნება საჯარო განხილვის ჩატარებიდან 15 სამუშაო დღის ვადაში, სსიპ - სივრცითი და ქალაქთმშენებლობითი განვითარების სააგენტოში, შემდეგ მისამართზე - ქალაქი თბილისი, დავით აღმაშენებლის გამზირი №154 ან ელექტრონული ფოსტის მისამართზე: sajaro.gankhilvebi@suda.gov.ge

ასევე, ბორჯომის მუნიციპალიტეტის მერიაში, მისამართი: ქ.ბორჯომი, მესხეთის ქუჩა N5; დოკუმენტაციის გაცნობა შესაძლებელია შემდეგ ბმულზე:

https://drive.google.com/drive/folders/1RvGxCJSJwxQ165teqbU_6rIQrY9o1pMZ?usp=drive_link

"ქალაქ ბათუმის მუნიციპალიტეტის ტერიტორიის ნაწილისათვის განსაკუთრებული რეგულირების ტერიტორიის სტატუსის მინიჭების თაობაზე" საქართველოს მთავრობის 2026 წლის 29 მაისის N235 დადგენილებით, (შემდგომში - N235 დადგენილება) მინიჭებულ იქნა განსაკუთრებული რეგულირების ტერიტორიის სტატუსი, აღნიშნული ტერიტორიის  ფარგლებში, კერძო ინიციატივის საფუძველზე იწყება ბათუმის მუნიციპალიტეტის გონიო-კვარიათის ადმინისტრაციულ ერთეულში განაშენიანების გეგმის შემუშავება.

საპროექტო არეალის ფართობი შეადგენს 258.8 ჰექტარს და მდებარეობს ბათუმის მუნიციპალიტეტის გონიო-კვარიათის ადმინისტრაციულ ერთეულში, შავი ზღვის სანაპირო ზოლსა და მდინარე ჭოროხის დელტის მიმდებარედ, E 70 საერთაშორისო სატრანსპორტო დერეფნის სიახლოვეს.

პროექტის მთავარი ამოცანაა გონიოს სანაპირო არეალში თანამედროვე, მრავალფუნქციური და მდგრადი ურბანული სივრცის ფორმირება, რომელიც უზრუნველყოფს საცხოვრებელი, ტურისტული, რეკრეაციული და საზოგადოებრივი ფუნქციების ჰარმონიულ ინტეგრაციას ბუნებრივ გარემოსთან, მაღალი ხარისხის ინფრასტრუქტურის განვითარებასა და ტერიტორიის ეფექტიან სივრცით ორგანიზებას.

მოსაზრებების წარდგენის შესაძლებლობა აქვს ყველა დაინტერესებულ პირს სსიპ - სივრცითი და ქალაქთმშენებლობითი განვითარების სააგენტოში, შემდეგ მისამართზე - ქალაქი თბილისი, დავით აღმაშენებლის გამზირი №154, ან ელექტრონული ფოსტის მისამართზე: sajaro.gankhilvebi@suda.gov.ge  

ა) უსაფრთხო საარსებო გარემოს უზრუნველყოფა, ბუნებრივი კატასტროფებისა და კლიმატის ცვლილებით გამოწვეული რისკების შემცირების გზით; 

ბ) დასახლებათა მდგრადი განვითარება და მაღალი ხარისხის საცხოვრებელი გარემოს ფორმირება, თანამედროვე საინჟინრო-სატრანსპორტო და სოციალური ინფრასტრუქტურით უზრუნველყოფის გზით. მუნიციპალიტეტის, როგორც სტრატეგიული მნიშვნელობის ტერიტორიული ერთეულის ინტეგრირება ქვეყნის განსახლების სისტემაში; 

გ) უნიკალური ბუნებრივი ლანდშაფტის, ისტორიულ-კულტურული მემკვიდრეობისა და ეთნიკურ-კულტურული თავისთავადობის დაცვა და ინტეგრირებული თანამედროვე განვითარება; 

გაცნობებთ, რომ მიმდინარეობს „ბორჯომის მუნიციპალიტეტის სოფელ ტბის ტერიტორიაზე №64.25.05.547 საკადასტრო კოდით რეგისტრირებულ მიწის ნაკვეთზე მომსახურების ობიექტების კომპლექსის მშენებლობისათვის განაშენიანების დეტალური გეგმის შემუშავების ინიცირების და დავალების გაცემის თაობაზე“ სსიპ-სივრცითი და ქალაქთმშენებლობითი განვითარების სააგენტოს 2025 წლის 23 აპრილის № 1-1/25 ბრძანების საფუძველზე განაშენიანების დეტალური გეგმის პროექტის შემუშავება.

№64.25.05.547 საკადასტრო კოდით რეგისტრირებული მიწის ნაკვეთი მდებარეობს სოფელი ტბის ტერიტორიის საზღვრებში, დაბა ბაკურიანის საზღვრიდან 430 მეტრის მოშორებით. წარმოდგენილი პროექტით იგეგმება ტერიტორიის საზოგადოებრივი დანიშნულების ფუნქციით განვითარება. კერძოდ ტერიტორიაზე დაგეგმილია ბენზინგასამართის, გაზგასამართის, ავტოსერვისის, სწრაფი კვების ობიექტის, საოფისე ფართებისა და სავაჭრო ობიექტების მშენებლობა.

ბოლო წლებში დაბა ბაკურიანის, როგორც კურორტის, ინტენსიური განვითარების ფონზე, ტერიტორია განიცდის მსგავსი მომსახურების ობიექტების (ბენზინგასამართი, გაზგასამართი, ავტოსერვისი, სწრაფი კვების ობიექტი და ა.შ.) სიმცირეს. აღნიშნული პრობლემა უფრო მძაფრად შეინიშნება აქტიური სეზონის პერიოდში (ზამთარი, ზაფხული).

პროექტით დაგეგმილია მოწესრიგებული, კეთილმოწყობილი გარემოს შექმნა ზემოთ მითითებული მომსახურების ობიექტებით. აღნიშნული კომპლექსი მოემსახურება არა მხოლოდ უშუალოდ ბაკურიანის დამსვენებლებს, არამედ შემოვლითი გზით სხვა დასახლებებისკენ მიმავალ ნაკადს.

სსიპ - სივრცითი და ქალაქთმშენებლობითი განვითარების სააგენტოში, შენიშვნებისა და მოსაზრებების წარდგენის უფლება აქვს ნებისმიერ დაინტერესებულ პირს შემდეგ მისამართზე - ქალაქი თბილისი, დავით აღმაშენებლის გამზირი №154 ან ელექტრონული ფოსტის მისამართზე:  sajaro.gankhilvebi@suda.gov.ge  

გაცნობებთ, რომ მიმდინარეობს ბაკურიანის სარეკრეაციო ტერიტორიაზე მდებარე მიწის ნაკვეთზე (მიწის(უძრავი ქონების) საკადასტრო კოდი: №64.30.07.414) ინდივიდუალური საცხოვრებელი კომპლექსის განაშენიანების დეტალური გეგმის კონცეფციის პროექტის შეთანხმება/დამტკიცების პროცედურები.

დაინტერესებაში არსებული მიწის ნაკვეთი (საკადასტრო კოდი: №64.30.07.414) მდებარეობს „ბაკურიანის მიწათსარგებლობის გენერალური გეგმით განსაზღვრული №15 გეგმარებითი არეალის თემატური გეგმის დამტკიცების შესახებ“ საქართველოს მთავრობის დადგენილებით 2019 წლის 29 მარტის №175 დადგენილებით დამტკიცებულ თემატურ გეგმაში, რომლის განვითარებაც დასაშვებია განაშენიანების დეტალური გეგმის ფარგლებში. 

ასევე საპროექტო ტერიტორიაზე ,,ბაკურიანის სარეკრეაციო ტერიტორიის ქალაქთმშენებლობითი გეგმების დამტკიცების თაობაზე“ საქართველოს მთავრობის 2019 წლის 2 დეკემბრის № 591 დადგენილებით (შემდგომში - დადგენილება) დამტკიცებული დანართების შესაბამისად, ვრცელდება ქუჩების ტერიტორია და შემდეგი ფუნქციური ქვეზონა: საკურორტო ზონა 2 (შზ-7) - განვითარება დასაშვებია შემდეგი ქალაქთმშენებლობითი პარამეტრებით: კ1-0.2; კ2-0.2; კ3-0.4; მაქსიმალური სართულიანობა: 3 სართული მანსარდით; მაქსიმალური სიმაღლე 11 მეტრი, კეხში 16 მეტრი, სამშენებლო მიწის ნაკვეთების მინიმალური ფართობი: 500 კვ.მ;აღნიშნული ფუნქციური ზონები და სპეციალური ზონა 2-ის (სპზ-2) და ლანდშაფური ტერიტორიის (ლტ) სამშენებლოდ განვითარება სრულადაა შეზღუდული.

დაგეგმვის ამოცანას წარმოადგენს საპროექტო ტერიტორიაზე ინდივიდუალური საცხოვრებელი სახლების განთავსება.

სსიპ - სივრცითი და ქალაქთმშენებლობითი განვითარების სააგენტოში, შენიშვნებისა და მოსაზრებების წარდგენის უფლება აქვს ნებისმიერ დაინტერესებულ პირს შემდეგ მისამართზე - ქალაქი თბილისი, დავით აღმაშენებლის გამზირი №154 ან ელექტრონული ფოსტის მისამართზე:  sajaro.gankhilvebi@suda.gov.ge