პროექტის მიზანია, გამოავლინოს ურბანული, სივრცითი და ტერიტორიული განვითარების პრიორიტეტები და საინვესტიციო არეალები. პროექტი მოიცავს ქუთაისის, სამტრედიის, ზუგდიდის, სენაკისა და ფოთის მუნიციპალიტეტებს და იმ ფართო პროცესის ნაწილია, რომელიც ცენტრალური აზიისა და ევროპის დაკავშირების გაძლიერებას ისახავს მიზნად. პროექტი მიმდინარეობს საქართველოს რეგიონული განვითარების სამინისტროს (MRD) და საფრანგეთის განვითარების სააგენტოს (AFD) დაკვეთით. საქართველოს შუა დერეფნის განვითარებითი პოტენციალის გამოვლენისა და შესაბამისი მიმართულებების შერჩევაში მონაწილეობისთვის,

იხ. ბმული: https://arcg.is/4WXKT 

სსიპ სივრცითი და ქალაქთმშენებლობითი განვითარების სააგენტოში სსიპ საქართველოს ტექნიკური უნივერსიტეტის მიერ წარმოდგენილ იქნა თიანეთის მუნიციპალიტეტის ჩეკურაანთგორის, სიმონიანთხევის, ხევსურთსოფელის, ღულელების, ნაქალაქარის, დაბა სიონის ადმინისტრაციული ერთეულის სოფლების და მათი მიმდებარე ტერიტორიების სივრცის დაგეგმარების გეგმა (პროექტი).

დოკუმენტაცია შემუშავდა სსიპ სივრცითი და ქალაქთმშენებლობითი განვითარების სააგენტოსა და სსიპ საქართველოს ტექნიკური უნივერსიტეტს შორის 2023 წლის 24 ნოემბერს გაფორმებული სახელმწიფო შესყიდვის შესახებ N155-2023 ხელშეკრულების (კონკურსი CNT230000078) საფუძველზე.

დაგეგმვის მიზანია დასახლებების მდგრადი განვითარებისა და საზოგადოების კეთილდღეობის ხელშეწყობა, ღირსეული, უსაფრთხო გარემოს შექმნა და განვითარება.

„სივრცის დაგეგმარებისა და ქალაქთმშენებლობითი გეგმების შემუშავების წესის შესახებ„ საქართველოს მთავრობის 2019 წლის 3 ივნისის N260 დადგენილებით დამტკიცებული წესისა და საქართველოს კანონის „გარემოსდაცვითი შეფასების კოდექსის“ შესაბამისად, აღნიშნული პროექტი ექვემდებარება საჯარო განხილვის პროცედურებს.

სივრცის დაგეგმარების გეგმისა და სტრატეგიული გარემოსდაცვითი შეფასების ანგარიშის საჯარო განხილვა დაიგეგმა 2025 წლის 13 ივნისს 13:00 საათზე, შემდეგ მისამართზე: თიანეთის მუნიციპალიტეტი, დ. თიანეთი, რუსთაველის #1, ა(ა)იპ თიანეთის მუნიციპალიტეტის კულტურის ცენტრი.

საჯარო განხილვის დროს ხელმისაწვდომი იქნება თიანეთის მუნიციპალიტეტის ჩეკურაანთგორის, სიმონიანთხევის, ხევსურთსოფელის, ღულელების, ნაქალაქარის, დაბა სიონის ადმინისტრაციული ერთეულის სოფლების და მათი მიმდებარე ტერიტორიების სივრცის დაგეგმარების გეგმა ელექტრონული და მატერიალური სახით.

განხილვაზე დასწრება, მასში მონაწილეობის, ასევე, შენიშვნებისა და მოსაზრებების წარდგენის უფლება აქვს ყველა დაინტერესებულ პირს. წერილობითი შენიშვნებისა და მოსაზრებების წარდგენა შესაძლებელი იქნება საჯარო განხილვის ჩატარებიდან 15 სამუშაო დღის ვადაში, სსიპ - სივრცითი და ქალაქთმშენებლობითი განვითარების სააგენტოში, შემდეგ მისამართზე - ქალაქი თბილისი, დავით აღმაშენებლის გამზირი №154 ან ელექტრონული ფოსტის მისამართზე: sajaro.gankhilvebi@suda.gov.ge;  ასევე, თიანეთის მუნიციპალიტეტის მერიაში, შემდეგ მისამართზე: დ. თიანეთი, რუსთაველის #67.

დოკუმენტაცია ატვირთულია შემდეგ ბმულზე: https://shorturl.at/VENaw 

ბორჯომის მუნიციპალიტეტში დაბა ბაკურიანისა და მიმდებარე დასახლებების გეგმარებითი ერთეულის სივრცის დაგეგმარების გეგმის კონცეფციის საჯარო განხილვა

სსიპ სივრცითი და ქალაქთმშენებლობითი განვითარების სააგენტოში შპს „ნიუ სითი დეველოფმენთ“-ის მიერ წარმოდგენილ იქნა ბორჯომის მუნიციპალიტეტში დაბა ბაკურიანისა და მიმდებარე დასახლებების გეგმარებითი ერთეულის სივრცის დაგეგმარების გეგმის კონცეფცია.

დოკუმენტაცია შემუშავდა სსიპ სივრცითი და ქალაქთმშენებლობითი განვითარების სააგენტოსა და შპს „ნიუ სითი დეველოფმენთს” შორის 2023 წლის 03 ნოემბერს გაფორმებული სახელმწიფო შესყიდვის შესახებ N154-2023 ხელშეკრულების (კონკურსი CNT230000063) საფუძველზე.

დაგეგმვის მიზანია, დასახლების მდგრადი განვითარებისა და საზოგადოების კეთილდღეობის ხელშეწყობა, ღირსეული, უსაფრთხო გარემოს შექმნა და განვითარება. „სივრცის დაგეგმარებისა და ქალაქთმშენებლობითი გეგმების შემუშავების წესის შესახებ„ საქართველოს მთავრობის 2019 წლის 3 ივნისის N260 დადგენილებით დამტკიცებული წესის მე -17 მუხლის მე - 5 პუნქტის შესაბამისად, გეგმის კონცეფცია ექვემდებარება საჯარო განხილვის პროცედურებს.

კონცეფციის საჯარო განხილვა დაიგეგმა 2024 წლის 6 ივნისს, 13:00 საათზე, შემდეგ მისამართზე: დაბა ბაკურიანი, დ. აღმაშენებლის ქ. N5, კინოთეატრი „ბაკურიანი“

საჯარო განხილვის დროს ხელმისაწვდომი იქნება ბორჯომის მუნიციპალიტეტში დაბა ბაკურიანისა და მიმდებარე დასახლებების გეგმარებითი ერთეულის სივრცის დაგეგმარების გეგმის კონცეფცია ელექტრონული და მატერიალური სახით.

განხილვაზე დასწრება, მასში მონაწილეობის, ასევე, შენიშვნებისა და მოსაზრებების წარდგენის უფლება აქვს ნებისმიერ დაინტერესებულ პირს. წერილობითი შენიშვნებისა და მოსაზრებების წარდგენა შესაძლებელი იქნება საჯარო განხილვის ჩატარებიდან 15 სამუშაო დღის ვადაში, სსიპ - სივრცითი და ქალაქთმშენებლობითი განვითარების სააგენტოში, შემდეგ

მისამართზე - ქალაქი თბილისი, დავით აღმაშენებლის გამზირი №154 ან ელექტრონული ფოსტის მისამართზე: sajaro.gankhilvebi@suda.gov.ge; ასევე, ბორჯომის მუნიციპალიტეტის მერიაში, მისამართი: ქ.ბორჯომი, მესხეთის ქუჩა N5

დოკუმენტაცია ატვირთულია შემდეგ ბმულზე:

https://drive.google.com/drive/folders/1HnEHzlE7aO2cw-qnH-0FoPgYgSBrbHVJ?usp=sharing

„ურეკი-შეკვეთილის სარეკრეაციო ტერიტორიაზე, საკადასტრო კოდით 26.28.13.342 რეგისტრირებულ მიწის ნაკვეთზე განაშენიანების დეტალური გეგმის პროექტი“

გაცნობებთ რომ "ურეკი-შეკვეთილის სარეკრეაციო ტერიტორიაზე არსებულ მიწის ნაკვეთზე (ს.კ. № 26.28.13.342) სასტუმრო და სასტუმროს ტიპის საცხოვრებელი შენობის მშენებლობისთვის განაშენიანების დეტალური გეგმის კონცეფციის დამტკიცების შესახებ“ სააგენტოს უფროსის მოვალეობის შემსრულებლის 2025 წლის 25 მარტის № 1-1/18 ბრძანების საფუძველზე, მიმდინარეობს ურეკი-შეკვეთილის სარეკრეაციო ტერიტორიაზე, საკადასტრო კოდით 26.28.13.342 რეგისტრირებულ მიწის ნაკვეთზე განაშენიანების დეტალური გეგმის პროექტის შეთანხმების საქმისწარმოება.

„ურეკი-შეკვეთილის სარეკრეაციო ტერიტორიის ქალაქთმშენებლობითი გეგმების დამტკიცების თაობაზე“ საქართველოს მთავრობის 2019 წლის 2 დეკემბრის №590 დადგენილებით დამტკიცებული გეგმების შესაბამისად, საპროექტო არეალზე ვრცელდება შემდეგი ქვეზონები და ტერიტორიები: საპროექტო საკურორტო ზონა 2 (საპროექტო შზ-7), საპროექტო სპეციალური ზონა 2 (სპზ.2), ლოკალური ტრანსპორტისა და მთავარი ქუჩების ტერიტორია, ბუნებრივ-ლანდშაფტური ტერიტორია და სანიტარული დაცვის პირველი მკაცრი შეზღუდვის ზოლი.

საპროექტო არეალის განვითარება დაგეგმილია სასტუმრო კომპლექსით, რომელიც მოიცავს სასტუმრო და სასტუმროს ტიპის საცხოვრებელი შენობა-ნაგებობას. შენობის სიმაღლე შეადგენს 8 სართულს. 

შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს სსიპ - სივრცითი და ქალაქთმშენებლობითი განვითარების სააგენტოში, შემდეგ მისამართზე - ქალაქი თბილისი, დავით აღმაშენებლის გამზირი №154 ან ელექტრონული ფოსტის მისამართზე:  sajaro.gankhilvebi@suda.gov.ge

სსიპ სივრცითი და ქალაქთმშენებლობითი განვითარების სააგენტოსა და შპს „ურბანიკა“-ს შორის 2023 წლის 8 დეკემბერს გაფორმებულ სახელმწიფო შესყიდვის შესახებ N161-2023 ხელშეკრულების საფუძველზე (CNT230000082) კომპანია ახორციელებს თეთრიწყაროს მუნიციპალიტეტის დაბა (კურორტი) მანგლისის განაშენიანების გეგმის შემუშავების საპროექტო სამუშაოებს.

შპს „ურბანიკა“-ს მიერ სააგენტოში წარმოდგენილ იქნა ხელშეკრულებით გათვალისწინებული მეოთხე ეტაპის დოკუმენტაცია, რომელიც მოიცავს თეთრიწყაროს მუნიციპალიტეტის დაბა (კურორტი) მანგლისის განაშენიანების გეგმას.

დაგეგმვის მიზანია, დასახლების მდგრადი განვითარებისა და საზოგადოების კეთილდღეობის ხელშეწყობა, ღირსეული, უსაფრთხო გარემოს შექმნა და განვითარება.

საქართველოს კანონის „გარემოსდაცვითი შეფასების კოდექსი“-ს და „სივრცის დაგეგმარებისა და ქალაქთმშენებლობითი გეგმების შემუშავების წესის შესახებ„ საქართველოს მთავრობის 2019 წლის 3 ივნისის N260 დადგენილებით დამტკიცებული წესის მე-17 მუხლის მე-4 და მე-5 პუნქტების შესაბამისად აღნიშნული პროექტი ექვემდებარება საჯარო განხილვის პროცედურებს.

გეგმის პროექტისა და სგშ ანგარიშის საჯარო განხილვა დაიგეგმა 2025 წლის 23 მაისს 12:00 საათზე, თეთრიწყაროს მუნიციპალიტეტში, ალგეთის ეროვნული პარკის ადმინისტრაციულ შენობაში (მის: დაბა მანგლისი, კურორტის ქუჩა №4).

საჯარო განხილვის დროს ხელმისაწვდომი იქნება თეთრიწყაროს მუნიციპალიტეტის დაბა (კურორტი) მანგლისის განაშენიანების გეგმისა და სტრატეგიული გარემოსდაცვითი შეფასების ანგარიში ელექტრონულ ფორმატში.

განხილვაზე დასწრება, მასში მონაწილეობის, ასევე, შენიშვნებისა და მოსაზრებების წარდგენის უფლება აქვს ნებისმიერ დაინტერესებულ პირს. წერილობითი შენიშვნებისა და მოსაზრებების წარდგენა შესაძლებელი იქნება საჯარო განხილვის ჩატარებიდან 15 სამუშაო დღის ვადაში, სსიპ - სივრცითი და ქალაქთმშენებლობითი განვითარების სააგენტოში, შემდეგ მისამართზე - ქალაქი თბილისი, დავით აღმაშენებლის გამზირი №154 ან ელექტრონული ფოსტის მისამართზე: sajaro.gankhilvebi@suda.gov.ge;  და თეთრიწყაროს მუნიციპალიტეტის მერიაში, მისამართი: ქ. თეთრიწყარო, თამარ მეფის ქ. №34.

საჯარო განხილვასთან დაკავშირებული დოკუმენტაციის ჩამოტვირთვა შესაძლებელია შემდეგი ბმულიდან: https://shorturl.at/YHz4P 

სსიპ სივრცითი და ქალაქთმშენებლობითი განვითარების სააგენტოში შპს ,,ნიუ სითი დეველოფმენთ“-ის მიერ წარმოდგენილია ურეკი-შეკვეთილის სარეკრეაციო ტერიტორიის გენერალური გეგმისა და განაშენიანების გეგმის კონცეფციები.

დოკუმენტაცია შემუშავდა სსიპ სივრცითი და ქალაქთმშენებლობითი განვითარების სააგენტოსა და შპს ,,ნიუ სითი დეველოფმენთ”-ს შორის 2023 წლის 10 ოქტომბერს გაფორმებული სახელმწიფო შესყიდვის შესახებ N130-2023 ხელშეკრულების (კონკურსი CNT230000059) საფუძველზე.

„სივრცის დაგეგმარებისა და ქალაქთმშენებლობითი გეგმების შემუშავების წესის შესახებ„ საქართველოს მთავრობის 2019 წლის 3 ივნისის N260 დადგენილებით დამტკიცებული წესის შესაბამისად, აღნიშნული პროექტი ექვემდებარება საჯარო განხილვის პროცედურას.

ურეკი-შეკვეთილის სარეკრეაციო ტერიტორიის გენერალური გეგმისა და განაშენიანების გეგმის კონცეფციების საჯარო განხილვა დაიგეგმა 2025 წლის 16 მაისს 12:00 საათზე, ოზურგეთის მუნიციპალიტეტის კულტურის და მოსწავლე - ახალგაზრდობის ცენტრში შემდეგ მისამართზე: ოზურგეთის მუნიციპალიტეტი, სოფელი ოზურგეთი, მე-9 ქუჩა.

საჯარო განხილვის დროს განსახილველი დოკუმენტაცია ხელმისაწვდომი იქნება ელექტრონული და მატერიალური სახით.

განხილვაზე დასწრება, მასში მონაწილეობის, ასევე, შენიშვნებისა და მოსაზრებების წარდგენის უფლება აქვს ნებისმიერ დაინტერესებულ პირს. წერილობითი შენიშვნებისა და მოსაზრებების წარდგენა შესაძლებელი იქნება საჯარო განხილვის ჩატარებიდან 15 სამუშაო დღის ვადაში, სსიპ - სივრცითი და ქალაქთმშენებლობითი განვითარების სააგენტოში, შემდეგ მისამართზე - ქალაქი თბილისი, დავით აღმაშენებლის გამზირი №154 ან ელექტრონული ფოსტის მისამართზე: sajaro.gankhilvebi@suda.gov.ge ასევე, ოზურგეთის მუნიციპალიტეტის მერიაში, შემდეგ მისამართზე: ქ. ოზურგეთი, კოსტავას ქუჩა N1.

დოკუმენტაცია ატვირთულია შემდეგ ბმულზე: https://shorturl.at/TtXWH 

სსიპ სივრცითი და ქალაქთმშენებლობითი განვითარების სააგენტოსა და ა(ა)იპ ,,სითი ინსტიტუტი საქართველო"-ს შორის გაფორმებული 2023 წლის 13 ოქტომბერს სახელმწიფო შესყიდვის შესახებ N132-2023 ხელშეკრულების საფუძველზე (CNT230000060) კომპანია ახორციელებს მცხეთის მუნიციპალიტეტის საგურამოს, გალავნის, ნავდარაანთკარისა და ჯიღაურის ადმინისტრაციული ერთეულების სოფლების და დუშეთის მუნიციპალიტეტის სოფელი ჭოპორტი და სოფელი ახატანი და მათი მიმდებარე ტერიტორიების სივრცითი დაგეგმარების გეგმის შემუშავების საპროექტო სამუშაოებს.

ა(ა)იპ ,,სითი ინსტიტუტი საქართველო"-ს მიერ სააგენტოში წარმოდგენილ იქნა ხელშკრულებით გათვალისწინებული მეოთხე ეტაპის დოკუმეტაცია, რომელიც მოიცავს დუშეთის მუნიციპალიტეტის სოფელი ჭოპორტი და სოფელი ახატანი და მათი მიმდებარე ტერიტორიების სივრცითი დაგეგმარების გეგმას.

დაგეგმვის მიზანია, დასახლების მდგრადი განვითარებისა და საზოგადოების კეთილდღეობის ხელშეწყობა, ღირსეული, უსაფრთხო გარემოს შექმნა და განვითარება.

საქართველოს კანონის „გარემოსდაცვითი შეფასების კოდექსი"-ს და „სივრცის დაგეგმარებისა და ქალაქთმშენებლობითი გეგმების შემუშავების წესის შესახებ„ საქართველოს მთავრობის 2019 წლის 3 ივნისის N260 დადგენილებით დამტკიცებული წესის მე -17 მუხლის მე -4 და მე - 5 პუნქტების შესაბამისად აღნიშნული პროექტი ექვემდებარება საჯარო განხილვის პროცედურებს.

გეგმის პროექტისა და სგშ ანგარიშის საჯარო განხილვა დაიგეგმა 2025 წლის 29 აპრილს 12:00 საათზე, დუშეთის მუნიციპალიტეტის მერიის ადმინისტრაციულ შენობაში (მის: ქ.დუშეთი, რუსთაველის ქუჩა №27).

საჯარო განხილვის დროს ხელმისაწვდომი იქნება დუშეთის მუნიციპალიტეტის სოფელი ჭოპორტი და სოფელი ახატანი და მათი მიმდებარე ტერიტორიების სივრცითი დაგეგმარების გეგმისა და სტრატეგიული გარემოსდაცვითი შეფასების ანგარიში ელექტრონულ ფორმატში.

განხილვაზე დასწრება, მასში მონაწილეობის, ასევე, შენიშვნებისა და მოსაზრებების წარდგენის საშუალება აქვს ყველა დაინტერესებულ პირს. წერილობითი შენიშვნებისა და მოსაზრებების წარდგენა შესაძლებელი იქნება საჯარო განხილვის ჩატარებიდან 15 სამუშაო დღის ვადაში, სსიპ - სივრცითი და ქალაქთმშენებლობითი განვითარების სააგენტოში, შემდეგ მისამართზე - ქალაქი თბილისი, დავით აღმაშენებლის გამზირი №154 ან ელექტრონული ფოსტის მისამართზე: sajaro.gankhilvebi@suda.gov.ge  და დუშეთის მუნიციპალიტეტის მერიაში, მისამართი: რუსთაველის ქუჩა №27

საჯარო განხილვასთან დაკავშირებული დოკუმენტაცია იხ. ბმულზე: https://shorturl.at/yzldX